Main Hoon Tera Khayal Hai Aur Chand Raat Hai | Urdu Sad Poetry

"POETRY"

Main Hoon Tera Khayal Hai Aur Chand Raat Hai

Dil Dard Se Nidhal Hai Aur Chand Raat Hai

Aankhon Mein Chubh Gayin Teri Yaadon Ki Kirchiyaan

Kaandhon Pe Gham Ki Shawl Hai Or Chand Raat Hai

Dil Tor Ke Khamosh Nazaron Ka Kiya Mila

Shabnam Ka Ye Sawal Hai Or Chand Raat Hai

Campus Ki Nehar Par Hai Tera Hath, Hath Mein

Mausam Bhi Lazawal Hai Aur Chand Raat Hai

Har Ik Kali Ne Orrh Liya Matami Libaas

Har Phool Pur Malal Hai Aur Chand Raat Hai

Chalka Sa Par Raha Hai Wasi Wehshaton Ka Rang

Har Cheez Par Zawal Hai Aur Chand Raat Hai…